М-р Елена Ташкова
Специјален едукатор и рехабилитатор – логопед во ООУ „Гоце Делчев" - Штип
Добредојдовте на платформата
Магично Огледало
Едукативните игри, развиени во рамките на овој проект, се во корелација со наставната програма за учениците од основното образование-одделенска настава.
Педагошка поддршка
Поддршка на академски вештини:писменост, математички вештини,знаења од СТЕМ предметите
Социјален и емоционален развој
Процена и следење на емоционалниот развој на учениците, процена и следење на нивниот развој.
Инклузивност
Ресурси за поддршка на инклузивната настава кои подразбираат иновативни методи и техники за работа на наставниците со сите ученици
За проектот
Магично Огледало
Платформата Магично Огледало ви нуди дигитални образовни ресурси кои се изработени во форма на игри користејќи проширена реалност и техниката за контрола со помош на гестови.
Платформата обезбедува:
- Засилено интерактивно учење;
- Зголемен ангажман на учениците и наставниците;
- Подобро усвојување на знаењето;
- Засилено интерактивно учење;
- Персонализирано учење;
- Директна врска со реалниот свет;
- Пристапност и инклузивност
За проектот
Активен пријател
Апликацијата им овозможува на корисниците иновативен и забавен начин на изведување на одредени физички активности, при што се мери времетраењето на вежбањето и бројот на правилно изведени вежби. Притоа се врши проценка на позата на корисникот во реално време, со помош на видеото кое се добива од веб камерата на користениот уред.
Истражувањата покажуваат дека редовните физички вежби имаат позитивно влијание врз физичкото и менталното здравје, овозможувајќи:
- Правилно држење на телото;
- Развој на мускулната стабилност;
- Јакнење на зглобовите;
- Одржувањето на здрава телесна тежина;
- Подобрување на имунолошки одговор и метаболизмот;
- Зголемување на концентрацијата и одржувањето на меморијата;
- Јакнење на самодовербата, самостојноста, карактерот и дисциплината.
Партнери на проектот
Креирањето на платформата MagicMirror финансиски е поддржано од Детската фондација „Песталоци“ преку проектот „Инклузија на децата со посебни образовни потреби“ Спроведуван од Здружението за асистивна технологија „Отворете ги прозорците“.
Проектен тим
Членови на тимот
Тимот за реализација на овој проект е составен од научници, експерти, практичари, со долгогодишно меѓународно искуство, во областите на педагошките науки, дефектологијата и компјутерските науки.
Д-р Наташа Коцеска
Професор на Факултетот за информатика при Универзитетот „Гоце Делчев" - Штип
Д-р Јадранка Рунчева
Професор на Факултетот за образовни науки при Универзитетот „Гоце Делчев" - Штип
Д-р Кирил Барбареев
Професор на Факултетот за образовни науки при Универзитетот „Гоце Делчев" - Штип
Д-р Сашо Коцески
Професор на Факултетот за информатика при Универзитетот „Гоце Делчев" - Штип
Едукативни игри
Учете низ игра и забава
На “буква”
Играта е наменета за сите деца, со посебен акцент на учениците кои имаат потешкотии во фонемската анализа и синтеза, во усвојувањето на основните вештини потребни за читање. Концептот на играта е базиран на традиционалната игра “на буква, на буква”, каде играчот има за цел да каже еден збор кој започнува на одредена буква. Слично на тоа, во оваа дигитална игра, даден е еден поим (преку слика), а задача на играчот е да ја пронајде соодветната буква со која започнува дадениот поим. Буквата треба да ја избере (со помош на прстот) од неколкуте букви кои се дадени на екранот. За секој успешен обид играчот добива соодветен поттик (поени) за да ја продолжи играта.
Испревртени реченици
Играта е наменета за сите деца, со посебен акцент на учениците кои имаат потешкотии при анализа на структурата на реченицата, како и за учениците кои имаат нарушено внимание, концентрација, меморија и моторика. На екранот се појавуваат зборови, кои играчот треба да ги подреди со цел да формира реченица. При формирањето на реченицата, треба да се употребат сите зададени зборови. Дадените зборови играчот ги избира со покажување со прстот, и тоа по редослед кој смета дека е правилен. За секој успешен обид играчот добива соодветен поттик (поени) за да ја продолжи играта.
Здрава храна
Играта овозможува на забавен начин да се усвојат основните концепти за здрава храна и грижа за здравјето кои се изучуваат по предметот природни науки. Истовремено овозможува децата да ги подобрат когнитивните способности, моќта за фокусирање и перцепција, и моториката. На екранот се појавуваат сликички од различна храна (пр: здрава – јаболко, круша, брокула... и нездрава-чипс, сендвичи, газиран сок...). Играчот треба да изврши селекција на здравата храна, покажување со прстот на соодветните слики. При правилна селекција се добива позитивен фидбек од страна на системот, односно играчот добива поени кои служат како понатамошен поттик за играчот.
Парни/непарни броеви
Играта е наменета за сите деца, со посебен акцент на учениците со послаба моторика и со нарушено внимание и хиперактивност, истовремено усвојувајќи ги основните концепти од материјалот по предметот математика. На екранот се појавуваат парни и непарни броеви. Играчот треба да изврши селекција на броевите (на пр: да ги одбере само парните, или само непарните броеви). Играта има неколку нивоа, кои се менуваат во зависност од бројот на освоени поени, односно од усвоеното знаење на играчот. За секој успешен обид играчот добива соодветен поттик (поени) за да ја продолжи играта.
Симетрија
Играта е наменета за сите деца, со посебен акцент на учениците со послаба моторика и со нарушено внимание и хиперактивност. Играта овозможува на забавен начин да ја ги подобрат когнитивните способности, моќта за фокусирање и визуелната перцепција. Целта на играта е да се определи форма која е огледално симетрична со дадената. Играчот треба да ја избере симетричната форма (со покажување со прст) од неколкуте зададени форми кои во движење се појавуваат на екранот. При правилна селекција се добива позитивен фидбек од страна на системот, односно играчот добива поени кои служат како понатамошен поттик за играчот
Едукативни игри
Вежбајте низ игра и забава
Истегнување кон ѕвездите
Оваа вежба е наменета за подобрување на флексибилноста и мобилноста на рамената и рацете, како и за истегнување на грбот и страничните мускули на трупот. Дополнително, ја поттикнува правилната положба на телото и го зголемува протокот на крв, што помага во подобрување на држењето и будноста кај децата. Ова е одлична вежба за раздвижување после подолг период на седење или како дел од загревањето пред физички активности.
Опис на вежбата:
Почетна позиција – Детето стои исправено. Рацете се спуштени покрај телото.
Истегнување – Полека ги подига рацете вертикално нагоре над главата, држејќи ги рацете исправени, и ги истегнува максимално кон таванот. Притоа треба да диши длабоко.
Воздушни удари
Оваа вежба е наменета за подобрување на координацијата, агилноста и силата на горниот дел од телото, додека истовремено го зголемува кардиоваскуларниот капацитет. Ја активира мускулатурата на рамената, рацете и телото. Дополнително, ја подобрува брзината на рефлексите и координацијата рака-око.
Опис на вежбата:
Почетна позиција – Детето стои исправено, а тупаниците кренати до висина на рамената, со лактите блиску до телото.
Движење со удари – Десната рака се испружува в лево во брз, контролирачки удар, со тупаницата во хоризонтална положба. Потоа, раката се враќа во почетната положба, а движењето се повторува со левата рака. Ударите се изведуваат наизменично со контролиран ритам.
Истегнување на вратот
Оваа вежба е ефикасна за брзо намалување на болката во пределот на вратот. Овозможува подобрување на флексибилноста, зголемување на циркулацијата, коригирање на лошото држење на телото предизвикано од долготрајното седење или користење на телефонот. Со одржување на еластичноста на вратните мускули, овие истегнувања помагаат во спречување на напрегање и повреди, и го поддржуваат целокупното здравје на вратот.
Полека навалете ја главата кон едното рамо колку што ви е удобно. Треба да почувствувате истегнување на спротивната страна на вратот.
Држете 2 секунди. Повторете го истото со навалување на другата страна.
Летај како птица
Вежбата „Летај како птица“ го имитира движењето на птичјите крилја. Ова движење ги зајакнува мускулите на рамењата и грбот, го подобрува држењето на телото и координацијата, ја зголемува циркулацијата на крвта и обезбедува флексибилност.
Застанете исправено и поставете ги рацете до телото.
Раширете ги рацете на страна и нежно мавтајте ги нагоре-надолу како крилја.
Подигнување колена
Оваа вежба е наменета за подобрување на кардиоваскуларната издржливост, координацијата и зајакнување на мускулите на нозете и трупот. За време на целата вежба држете го грбот исправен и активирајте го трупот за стабилност. Изведувајте ги движењата со контролирано темпо. Дишите рамномерно, усогласувајќи го дишењето со движењето.
Почетна позиција – Застанете исправено, а рацете испружени нанапред.
Движење – Започнете со кревање на десното колено што е можно повисоко, стремејќи се да ја допрете десната дланка. Потоа спуштете го десното колено и повторете го движењето со левото колено.